Bébèt etranz

Une expo d’Elsa Moscato, visible la bibliothèque de la montagne du 11 septembre au 15 décembre.

extrait de texte par Emmanuel Cheynet / expo « Bébèt etranz »

« Kan lam la mèr i kayanm, son fonnkèr an misouk I dig dig out kèr… tout’ kalité ti bèbèt moun’ étranz i fanafout’ out koko… sa in lamizman, in kontantman i fé ri la bous ! Bann kanèt i mazinn bann bébèt la mèr sanm la pwal, sanm korn bèf si zot zékay, ti trou dan zot po pwason pou respiré… In léfé  bébèt zama(L)inimal dan blé azir linfini, ousa lo blé lo syèl sanm lazir loséan lé déviré… in boulé-saviré dosi liny bardzour mazigador.. mayaz bébèt do lo, monmon la tèr, bitasyon lo syèl sanm zékli véli… bébèt lo zo, mayaz tèt pwason sanm zanimo kat pat’, koulèv loséan… bébèt étranz i may’ may’ ansam pou trouv’ in bitasyon lo kèr dan fonkèr kala volkan do lo… flèr koray, bébèt zarlor dantèl Silaos, sa twal soubasman ! Ban zanbrokal bébèt i dans  an baba sifon, an flèr do fé lav volkan, an bèl bèl souflèr ou bèl patat’ dantèl… Tousala dan in mayaz la féray’ vélo an léfé mazigador i dovyin in pat’ domounité… sa in vwayaz dan mazinasyon, in foutor zartist byin kalkilé… In linspirasyon pou in lil espésyal… Mwin la touzour èm mon lil, mon Rényon… mon lil gabyé… in batan rouvèr in bat an zèl pou ban zespri mazinasyon mazigador… in  léfé volkan ou sa lam zartist i ravinn an pondyak kom lav la fournèz an brèz si liny bardzour mon monmon Rényon.. pou mwin sa in kontantman mazinn ban pwason kof’, balist’, pikaso, pwason kosé, manmzèl, déès ban pèp loryan… tousa bébèt zarlor dan blé bèl vant’ la mèr an vwa d’ famiy ‘… «